Auckland Libraries: Terms and conditions in te reo Māori

Terms and conditions in te reo Māori

Ngā whakamārama me ngā kōrero here – reo Māori

1.0 Ngā tono mematanga

Ko ngā tāngata, ngā rōpū katoa rānei e utu rēti ana, e rēti ana, e noho ana rānei ki te rohe, ā, ka tutuki ngā herenga mematanga o ngā pātaka kōrero, ka taea te tono mematanga. Ka mana tonu ngā pātaka kōrero ki te pātai ki ngā kaitono mō te taunakitanga mematanga, hei tauira, mō te taunakitanga wāhi noho, whakaahua rānei. Ka taea e ngā mema te tono mea mō te kore utu, heoi, kei te pātaka kōrero te mana ki te tāpiri utu tono mō ētahi mea.


2.0 Ngā tono tamariki

Me whakakī tono mematanga e tētahi matua, kaitiaki rānei mō te tangata kei raro i te tekau mā waru tau te pakeke. Ka riro i taua matua, kaitiaki rānei te haepapa o ngā mea katoa i tonoa e taua tangata me ngā nama katoa.

He utu tōmuri mō ngā mea pakeke ka tonoa e ngā kāri mematanga tamariki.


3.0 Mau aheikore

Ko ia hunga kāhore i ahei kia whiwhi hono i raro i te wāhanga 1 ki te hono utu kore, e ahei ki te hono mehemea i oti ngā kaupapa hono me te utu hono, ā, ka hoatu ngā tuhinga whakatau hono mōna.

 

4.0 Te tuku kāri mematanga

Ka tono te kaitiaki pukapuka (e ai ki ngā rārangi 1.0, 2.0, 3.0 me 12.0) i tētahi kāri mematanga ki ia kaitono.

  

5.0 Whakamahi kāri hononga 
Ko te mema nōna ake, ko tērā hoki nāna i whakamana, e ahei ki te whakamahi i tana kāri hononga. Me whakatau taua kāri mo ngā mahi kua uhia.


6.0 Ngā utu

Me whakaae ngā hunga hono e here ana ngā utu me ngā nama a te pātaka kōrero ki a rātou. Ka mau i te pātaka kōrero te mana ki te whakarere kē i ngā utu.

 

7.0 Neke ki wāhi kē

Kia tere taua mema ki te hoatu ki te pātaka kōrero i tōna nohoanga hou, whakapānga hou rānei.

 

8.0 Mau taonga puakanga

Kāhore tētahi e whai mana ana ki te mau taonga kua whakapuakangatia. Engari he mana tō te kaimahi ki te tuku kia mauria i raro i ngā kaupapa ka whakatakotoria.

 

9.0
Ahakoa he aha te taonga, me whiwhi tuku tika te kaimau i mua i tōna wehenga atu i te pātaka kōrero.

 

10.0 Mau hē i ngā taonga

Kāhore tētahi atu, ko te kaimau kua whiwhi tika anake, ka mau, ka whai rānei ki te mau taonga, mea atu rānei i te pātaka kōrero.

10.1 Kaua rāwa tētahi e tuku, e hoko, e whiwhi utu mo tētahi taonga a te kaunihera, e kimi huarahi rānei ki ēnei.

 

11.0 Mahi kino i ngā taonga

Mehemea ka ngaro, ka hoki kino mai rānei he taonga, me utu pūtea te kaimau ki te kaunihera hei utu motuhake, hei whakapai rānei i te kino. E ahei ana te kaimahi ki te whakatau kua ngaro he taonga kotahi marama i muri i te rā tika kia whakahokia mai.

11.1. Mehemea ka kitea te taonga i roto i te rua tau atu i te wā i riro ai, ka utua he wāhi, te katoa rānei o te utu mo te ngaromanga ki te kaimau, e ai ki te whakatau ā te kaimahi.

 

12.0 Ngā nama

Me whakaae ia mema o ngā pātaka kōrero ki te utu i ngā nama me ngā utu i roto i te hononga ki te pātaka kōrero. tae atu ki ērā kua whiwhi mana whakatau. Ka whakatārewatia ngā hono e Ngā Whare Mātauranga o Tāmaki Makaurau ki aua hunga kia utua rāno a rātou nama.

I tua atu, ka whakamahia e Ngā Whare Mātauranga o Tāmaki Makaurau te huarahi a tētahi hāpori kohikohi nama ki te kohi i ngā nama me ngā utu whakahaere, tae atu pea ki ngā whakatau nama tāpiri a te hapori kohikohi nama. Ka whakaae te katoa o ngā mema hono mō te tuku me te utu taonga ki tō rātou honongā mai i te wā i ngaro ai i tāhaetia rānei te kāri ki te wā i tau te rongo ki te pātaka kōrero. Ka mukua ngā nama o muri mai.

E mōhio ana ngā mema whare mātauranga katoa kei a rātou te kawenga mō ngā taonga ka tukuna, ā, ka whiwhi nama hoki rātou mō te wā e ngaro ana te taonga, tae noa ki te wā ka pūrongohia ki te whare taonga he mea tāhae, kua ngaro rānei te kāri. Ka whakakorehia ngā utu i muri o taua rā.

 

Te whakamahi i te whare mātauranga

Kaua rawa te tangata e uru mai ki te whare mātauranga e:

  1. Whakararuraru, e mahi kino rānei ki tētahi atu tangata.
  2. Heri mai ki roto i te whare mātauranga, whakaatu rānei i tētahi taputapu tērā e whakararuraru, e mahi kino rānei ki tētahi atu tangata.
  3. Heri kararehe atu ki roto i te whare mātauranga, engari rawa mēnā ka whakaaehia e te Kaunihera.
  4. Tūkino rānei i ngā rawa whare mātauranga.

Ko te whakamahitanga a te tangata i tētahi ratonga, whakaurunga rānei i te whare mātauranga me ū ki te ture, ā, kaua rawa e takahia te manatārua, e takahi hoki i ngā tika matatapu, e whakarerekē, e ūkui manakore rānei i ngā raraunga, ihirangi paetukutuku rānei, e toro manakore rānei i ngā korero, e toro, e whakawhiti rānei i ngā ataahanga turekore, kupu rānei.


Auckland Libraries:Terms and conditions in te reo Māori Information about the key responsibilities of library membership and the terms and conditions in Māori.